Accha Lagta Hai!

Aakash me woh timtimata tara dekhna
Achha lagta hai..

Garmi ki pehli baarish me bheegna
Achha lagta hai..

Maa ki goudd me sar rakhkar sona
Achha lagta hai..

Jheel ke thande pani me payr dubaye gungunana
Achha lagta hai..

Subeh ki sondhi dhoop ka chehre ko chhuna
Achha lagta hai..

Rote hue hasna aur haste-haste rona
Achha lagta hai..

Achhanak pet me gudgudi sa hona
Achha lagta hai..

Bewajah muskurana
Achha lagta hai..

In palon ko jeena
Achha lagta hai..

Ehsaas-e-zindagi hona
Sachha lagta hai..

Dil mera aaj bhi
Bachha lagta hai..

Ye jo mann hi mann muskura rahe ho..
Kya ye sab tumhe nahi achha lagta hai? :)

*Anamika Sen*